O labor dos axentes de extension pesqueira é fundamental como dinamizadores da pesca artesanal e axentes de cambio. Son a persoa de referencia das comunidades pesqueiras e asesoran ás persoas traballadoras do sector en materia de xestión e ordenación pesqueira, financiamento, seguridade social, comercialización, hixiene e manipulación de produtos da pesca ou boas prácticas ambientais. Ademais exercen un importante labor de intermediación para comunicar os problemas das comunidades pesqueiras á Administración. Por tanto a formacion e capacitación das persoas que exercen este rol é fundamental para o funcionamento do sector e a mellora da calidade de vida das comunidades pesqueiras.