As reservas mariñas de interese pesqueiro son áreas mariñas nas que se aplican sistemas de xestión e ordenación pesqueira baseados nun modelo de explotación sostible. O fin é garantir tanto a explotación dos recursos pesqueiros como a preservación dos ecosistemas a través dun plan de uso e condicións de acceso. A declaración dun área como reserva mariña pasa por un proceso de participación cidadá na que os grupos de interese poidan opinar sobre os usos, o deseño, a xestión e o control dese espazo. Neste curso abórdanse posibles modelos para o uso e xestión de reservas mariñas.