Aquelas persoas que, pola súa actividade laboral, teñen contacto directo cos alimentos na súa extracción, produción, preparación, fabricación, transformación, elaboración, envasado, almacenamento, transporte, distribución, venda, subministro e servizo deben ter coñecementos e formación sobre os requisitos a cumprir no relativo ás boas prácticas de manipulación e hixiene cos alimentos. O obxectivo deste curso é a formación e sensibilización en hixiene e manipulación dos produtos da pesca, así como demostrar a importancia de medidas de control e prevención encamiñadas á diminución de perigos e contaminacións neste tipo de alimentos. O curso conterá unha parte práctica que demostrará a importancia de traballar baixo unhas boas prácticas.